| "Pаranormal activity" и во Кино Милениум | ||
|
 Од утре, 5.02.2010, филмот "Pаranormal activity" кој излезе минатата година на крајот на септември, започнува да се дава и во Кино Милениум. Сите оние кои се заинтересирани ќе можат да го погледнат филмот секој ден во 19:00, 21:00 и 23:00 часот. Филмот е во реализација на Paramount Pictures, и е познат како ниско буџетен хорор филм. Режиран е, напишан и монтиран од страна на Oren Peli. Покрај него во филмот како продуцент се појавува и Jason Blum, додека извршен продуцент е Steven Schneider. Ко-продуценти се Toni Taylor и Amir Zbeda. Улогите ги толкуваат: Katie Featherston, Micah Sloat, Mark Fredrichs, Amber Armstrong и Ashley Palmer. За сите оние кои не се запознаени доволно со овој филм, еве накратко за што се зборува во него...
"Откако млада двојка од средната класа се преселува во нова куќа, започнува да искусува различни натприродни влијанија и искуства кои се длабоко вознемирувачки. Чудните нешта кои им се случуваат можеби не се демонски, но секако се најактивни во текот на ноќта. Најголемо присуство се чувствува кога тие спијат, односно кога се обидуваат да спијат..." Инспирацијата на Peli за овој филм доаѓа од негово лично искуство, односно по преселбата во нова куќа имал искуство со слушање на чудни звуци. Стилот на филмот е споредуван со добро познатиот Blair Witch project. Подоле можете да го погледнете и официјалниот трејлер за филмот... |
Коментари
RSS за коментарите од оваа статија.